lau 11. mars 2017 17:14
Guðmundur Aðalsteinn Ásgeirsson
Lengjubikarinn: ÍBV og Þór með sigra í sínum leikjum
Arnór Gauti gerði tvö mörk fyrir ÍBV.
Arnór Gauti gerði tvö mörk fyrir ÍBV.
Mynd: Raggi Óla
Tveir leikir voru að klárast í A-deild Lengjubikarsins fyrir ekki svo löngu. Leiknir R. og ÍBV mættust í Egilshöll og Víkingur Ólafsvík og Þór frá Akureyri áttust við í Akraneshöllinni.

ÍBV, sem leikur í Pepsi-deild, lenti undir gegn Leikni R. eftir 18 mínútur í þeim leik þegar Kolbeinn Kárason skoraði. Arnór Gauti Ragnarsson náði þó að jafna fyrir leikhlé.

Arnór Gauti gerði sitt annað mark í upphafi seinni hálfleiks og Færeyingurinn Kaj Leo í Bartalsstovu gerði út um leikinn á 78. mínútu, en nokkru áður en Kaj Leo skoraði hafði Avni Pepa, varnarmaður ÍBV, fengið rauða spjaldið fyrir að sparka boltanum í dómarann.

Þetta rauða spjald kom þó ekki að sök fyrir ÍBV sem fór með sigur að hólmi og er nú með sjö stig á toppi Riðils 2. Leiknismenn eru með stigi minna í sætinu fyrir neðan.

Í hinum leiknum sem fram fór Akraneshöllinni, þá hafði Þór betur gegn Víkingi Ó. Gunnar Örvar Stefánsson skoraði bæði mörk Þórsara í 2-0 sigri, en Gunnlaugur Hlynur Birgisson, leikmaður Víkinga, fékk að líta beint rautt um miðjan fyrri hálfleikinn.

Lengjubikarinn - A-deild, Riðill 2
Leiknir R. 1 - 3 ÍBV
1-0 Kolbeinn Kárason ('18 )
1-1 Arnór Gauti Ragnarsson ('38 )
1-2 Arnór Gauti Ragnarsson ('55 )
1-3 Kaj Leo í Bartalsstovu ('78 )
Rautt spjald: Avni Pepa, ÍBV ('66 )
Smelltu hér til að lesa nánar um leikinn

Lengjubikarinn - A-deild, Riðill 3
Víkingur Ó. 0 - 2 Þór
0-1 Gunnar Örvar Stefánsson ('67 )
0-2 Gunnar Örvar Stefánsson ('81 )
Rautt spjald: Gunnlaugur Hlynur Birgisson, Víkingur Ó. ('26 )

Hér að neðan má sjá stigatöflurnar í riðlunum tveimur, en hún gæti tekið smá tíma í að uppfæra sig.
Stöðutaflan
  L U J T ms: mf: mun Stig
0 0 0 0 0 0 0 0 0
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner
banner
banner