Björn Bergmann Sigurðarson og Sverrir Ingi Ingason byrjuðu báðir inn á fyrir Rostov á útivelli í leik gegn Krasnodar í rússnesku úrvalsdeildinni í dag.

Ragnar Sigurðsson var þó fjarri góðu gamni.

Liðin fóru jöfn, 1-1, inn í hálfleikinn þar sem Íslendingaliðið jafnaði metin úr víti í uppbótartíma fyrri hálfleiks.

Heimamenn reyndust of sterkir í þeim síðari og skoruðu tvö mörk til viðbótar og fóru með 3-1 sigur af hólmi.

Krasnodar komst með sigrinum upp í 2.sæti deildarinnar en Rostov situr í því 9. og er þremur stigum frá umspilssæti um fall.