lau 14. maí 2005 16:31
Magnús Már Einarsson
Fréttatilkynning frá Keflavík
Mynd: Merki
Knattspyrnudeild Keflavíkur sendi frá sér í dag fréttatilkynningu en eins og kunnugt er þá hætti Guðjón Þórðarson þjálfun liðsins í gær.



Fréttatilkynningin frá knattspyrnudeild Keflavíkur:
Vegna fyrirvaralausrar uppsagnar Guðjóns Þórðarsonar á samningi við Knattspyrnudeild Keflavíkur vill stjórn deildarinnar að eftirfarandi komi fram:
Stjórn deildarinnar kannast ekki við vanefndir á samningi við Guðjón Þórðarson.
Stjórnin lagði einmitt á það áherslu að samningur aðila væri efndur enda miklar væntingar gerðar til starfa Guðjóns í okkar þágu.
Þessi óvænta staða aðeins þremur dögum fyrir fyrsta leik í efstu deild er því forvígismönnum, stuðningsmönnum og ekki síst leikmönnum Keflavíkur gríðarlega mikil vonbrigði.
Forsvarsmenn félagsins hafa ákveðið að tjá sig ekki frekar um málið í fjölmiðlum heldur einbeita sér að því að bæta fyrir það tjón sem þessi staða veldur félaginu.

Reykjanesbær 13. maí 2005.

Stjórn Knattspyrnudeildar Keflavíkur.


Sjá einnig:
Guðjón í athyglisverðu viðtali við DV
Guðjón segist ekki hafa fengið tilboð erlendis frá
Keflvíkingar ætla að lögsækja Guðjón
Guðjón hættur hjá Keflavík!
Athugasemdir
banner
banner