Ísland-Nígería á morgun
Heimir Hallgrímsson, landsliðsþjálfari Íslands, segir að hann muni hafa hitann í Volgograd í huga þegar hann setur upp leikinn gegn Nígeríu á morgun.
31 stiga hiti og sól verður þegar flautað verður til leiks á morgun.
31 stiga hiti og sól verður þegar flautað verður til leiks á morgun.
„Við spiluðum í nokkuð miklum hita á móti Argentínu og það var erfiður leikur," sagði Heimir á fréttamannafundi í dag.
„Það spáir nokkrum gráðum heitara hér og það hentar Nígeríumönnum betur en Íslendingum að spila í svona hita."
„Við munum taka það til umhugsunar þegar við setjum upp okkar leikplan. Ég held að það geri það allir í 30 gráðu hita. Við erum ekki öðruvísi en aðrir."
Athugasemdir