Sergio Ramos er af mörgum talinn einn helsti fantur knattspyrnuheimsins, sérstaklega eftir úrslitaleik Meistaradeildarinnar í fyrra þegar hann tók Mohamed Salah úr axlarlið með furðulegri tæklingu.
Ramos, sem er fyrirliði Real Madrid, bar að sjálfsögðu fyrirliðaband Spánverja gegn Englandi í Þjóðadeildinni í gær og átti góðan leik.
Það var baulað mikið á Ramos allan leikinn gegn Englandi sem endaði með 2-1 sigri Spánverja á Wembley.
„Auðvitað hefði ég viljað öðruvísi móttökur. Allir virðast muna eftir einu broti í úrslitaleiknum en ekki eftir morðhótununum sem ég og fjölskylda mín fengum í kjölfarið," sagði Ramos eftir sigurinn.
„Ég reyni að taka ekki mark á neikvæðninni en ég get ekki sagt að þetta hafi nokkur áhrif á leik minn."
Knattspyrnusérfræðingurinn góðkunni Gary Neville sýndi Ramos stuðning að leikslokum.
„Þrátt fyrir allt þetta baul þá er ekki einn áhorfandi á vellinum sem myndi ekki vilja fá Ramos í sitt lið," sagði Neville á Sky Sports.
„Hann er sá besti... persónuleikinn, karakterinn. Það er oft talað um að það vanti leiðtoga í vörnina, hann er einn mesti leiðtogi samtímans.
„Því meira sem er baulað á hann, því betur held ég að hann spili. Ég held að hann njóti þess."
Athugasemdir
