„Þetta var erfitt. Það voru miklar tilfinningar í spilinu og leikmenn Leicester stóðu vel saman sem lið," sagði Aron Einar Gunnarsson, landsliðsfyrirliði og leikmaður Cardiff, við Fótbolta.net í dag aðspurður út í leikinn gegn Leicester um síðustu helgi.
Leicester vann leikinn 1-0 en beint að leik loknum fóru leikmenn liðsins til Tælands til að vera viðstaddir jarðarför hjá Vichai Srivaddhanaprabha eiganda félagsins. Vichai lést á sviplegan hátt í þyrluslysi á dögunum en hans hefur verið minnst undanfarna daga.
Leicester vann leikinn 1-0 en beint að leik loknum fóru leikmenn liðsins til Tælands til að vera viðstaddir jarðarför hjá Vichai Srivaddhanaprabha eiganda félagsins. Vichai lést á sviplegan hátt í þyrluslysi á dögunum en hans hefur verið minnst undanfarna daga.
„Það var flott að sjá hvernig fótboltinn hefur áhrif á alla í kring. Maður tók mikið eftir því hér í Englandi að það stóðu allir með Leicester," sagði Aron.
„Það var erfitt að gíra sig inn í hlutina en þegar dómarinn flautar leikinn á þá er allt gert til þess að ná í þrjú stig. Þeir voru því miður betri en við í leiknum."
Eru að læra inn á deildina
Aron er kominn á fulla ferð með Cardiff eftir meiðsli en liðið er með fimm stig í næstneðsta sæti deildarinnar.
„Það tók okkur smá tíma að læra inn á deildina en svo kom sigurleikur á móti Fulham sem gaf okkur mikið sjálfstraust upp á framhaldið. Við vissum að Liverpool leikurinn yrði erfiður og leikurinn eftir það gegn Leicester var skrýtinn leikur þar sem var mikið af tilfinningum. Það er mikilvægur leikur gegn Brighton á laugardaginn þar sem við þurfum á þremur stigum að halda til að gíra okkur í gang aftur," sagði Aron við Fótbolta.net.
Sjá einnig:
Aron Einar: Eins og að vera hjá sálfræðingi
Stöðutaflan
England
Premier league - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Arsenal | 28 | 20 | 4 | 4 | 70 | 24 | +46 | 64 |
2 | Liverpool | 28 | 19 | 7 | 2 | 65 | 26 | +39 | 64 |
3 | Man City | 28 | 19 | 6 | 3 | 63 | 28 | +35 | 63 |
4 | Aston Villa | 29 | 17 | 5 | 7 | 60 | 42 | +18 | 56 |
5 | Tottenham | 28 | 16 | 5 | 7 | 59 | 42 | +17 | 53 |
6 | Man Utd | 28 | 15 | 2 | 11 | 39 | 39 | 0 | 47 |
7 | West Ham | 29 | 12 | 8 | 9 | 46 | 50 | -4 | 44 |
8 | Brighton | 28 | 11 | 9 | 8 | 50 | 44 | +6 | 42 |
9 | Wolves | 28 | 12 | 5 | 11 | 42 | 44 | -2 | 41 |
10 | Newcastle | 28 | 12 | 4 | 12 | 59 | 48 | +11 | 40 |
11 | Chelsea | 27 | 11 | 6 | 10 | 47 | 45 | +2 | 39 |
12 | Fulham | 29 | 11 | 5 | 13 | 43 | 44 | -1 | 38 |
13 | Bournemouth | 28 | 9 | 8 | 11 | 41 | 52 | -11 | 35 |
14 | Crystal Palace | 28 | 7 | 8 | 13 | 33 | 48 | -15 | 29 |
15 | Brentford | 29 | 7 | 5 | 17 | 41 | 54 | -13 | 26 |
16 | Everton | 28 | 8 | 7 | 13 | 29 | 39 | -10 | 25 |
17 | Luton | 29 | 5 | 7 | 17 | 42 | 60 | -18 | 22 |
18 | Nott. Forest | 29 | 6 | 7 | 16 | 35 | 51 | -16 | 21 |
19 | Burnley | 29 | 4 | 5 | 20 | 29 | 63 | -34 | 17 |
20 | Sheffield Utd | 28 | 3 | 5 | 20 | 24 | 74 | -50 | 14 |
Athugasemdir