Viðar Örn er á leið í sænsku úrvalsdeildina.
Viðar Örn Kjartansson leikmaður Rostov er sagður vera á leið til Djurgården í sænsku úrvalsdeildina á láni. Sænski fjölmiðilinn Expressen greinir frá.
Fyrr í dag greindum við frá því að Viðar Örn væri á förum frá Rostov en tækifæri Viðars hafa verið á skornum skammti í Rússlandi eftir að hann gekk til liðs við Rostov frá Maccabi Tel Aviv í fyrrasumar.
Viðar Örn þekkir vel til í Svíþjóð en hann gerði garðinn frægan með Malmö tímabilið 2016 þegar hann skoraði 14 mörk í 20 leikjum áður en hann var seldur til Maccabi í Ísrael.
Djurgarden endaði í 7. sæti sænsku úrvalsdeildarinnar á síðasta tímabili. Sænska deildin hefst á ný í lok mars.
Athugasemdir
