„Ég hef ekki getað talað við son minn því hann er enn á gjörgæslu en ég hef fengið staðfestingu frá eiginkonu minni um að honum líður vel," sagði Hernan Ospina við Radio CRC.

Ospina er leikmaður Arsenal en leikur fyrir Napoli á lánssamning. Ljóst er að ítalska félagið þarf að kaupa leikmanninn spili hann ákveðið marga leiki á tímabilinu og vonast Ospina til að vera keyptur yfir.

„Við erum að bíða eftir að hann spili nógu mikið af leikjum fyrir Napoli svo félagið kaupi hann af Arsenal. Honum líður vel í Napolí og vill vera þar áfram. Börnin hans elska að búa þarna og fjölskyldan er hamingjusöm."

Ospina er búinn að spila helming deildarleikja Napoli á tímabilinu og þá spilaði hann alla leiki liðsins í riðlakeppni Meistaradeildarinnar en hefur ekki verið notaður í útsláttarkeppni Evrópudeildarinnar.