Góður varnarleikur og slakur sóknarleikur. Blikar mættu ekki til leiks í fyrri og Víkingar klúðuru góðum færum þar. Seinni hluta seinni hálfleiks lágu Blikar á Víkingum en þeir náðu ekki að skora.

Sláarskot Gísla Eyjólfssonar. Gísli tók gott skot fyrir utan teig í slánna og að því virtist inn en dómarinn dæmdi ekki mark. Alltaf inni fannst mér og hefði líklega tryggt Blikum 3 stig.

Blikar eru taplausir á toppnum með 11 stig og Víkingar í 9.sæti með 6 stig en hafa aðeins tapað einum leik.

Hrjove Tokic fékk sénsinn og var afleitur, hann virtist bara áhugalaus, röltandi um völlinn og Sölvi og Halldór voru bara með hann í vasanum án þess að hafa neitt fyrir því.

Leyfði leiknum að fljóta vel og tók ekki nein feilspor í leik sem auðvelt var að dæma, aðstoðardómarinn hefði samt mátt dæma mark þegar boltinn fór í slánna og niður hjá Gísla.