Erfitt að benda á annað en klaufaskap í varnarleik gestanna. Brynjar Ásgeir gerir klaufalega mistök þegar hann missir Atla Guðna inn fyrir sig og endar á þvi að brjóta á honum og gefa vítaspyrnu og Will Daniels misreiknar boltann í seinna marki FH og gefur Atla Guðna stórt svæði og mikin tíma til að finna réttu sendinguna sem skilaði svo marki.

Vítaspyrnudómurinn og rauða spjaldið. Það má alveg færa rök fyrir því að það sé hægt að gefa rautt á Brynjar fyrir brotið því hann gerir enga tilraun til að ná til boltans. En í sambærilegum atvikum í öðrum leikjum sér maður oftar en ekki gefið gult spjald.

FH er ennþá í séns. Fer í 19 stig í þriðja sæti og situr 6 stigum á eftir toppliði Vals. Grindavík dregst svo aðeins afturúr og situr í fimmta sætinu með 17 stig.

Brynjar Ásgeir Guðmundsson vill ábyggilega gleyma þessum leik gegn fyrrum félögum sínum sem fyrst. Gerir klaufaleg mistök og fær dæmt á sig víti og rautt sem er aldrei gott.

Ívar var slakur í dag og hélt ekki línu. Flautaði á allt og ekkert í fyrri hálfleik en sleppti svo augljósum brotum í þeim seinni. Má alltaf setja spurningamerki við rauðu spjöldin en sennilega voru þau bæði rétt samkvæmt bókstafnum.