Gæði Þór/KA réðu úrslitum hér í dag. Grindavík átti enginn svör við mjög góðum leik Þór/KA og í raun var aldrei spurning frá fyrstu mínútu hvernig leikurinn færi. Það var bara spurning um hversu mörg mörkin yrðu.

Fyrsta mark Þór/KA. Þær voru búnar að sækja án afláts allan fyrri hálfleikinn og ég held það hafi létt á þeim að ná þessu fyrsta marki inn fyrir hálfleik.

Þór/KA fer á toppinn í bili með 26 stig en Breiðablik á leik til góða. Breiðablik er í öðru sætinu með 24 stig. Grindavík er áfram í sjöunda sæti en pakkinn er að þéttast og núna eru aðeins tvö stig í síðasta sætið. Grindavík á erfiða leiki framundan en það eru leikir gegn Breiðablik, Val og Stjörnuna.

Lið Grindavíkur deilir þessu saman hér. Þær náðu varla að tengja sendingar saman í dag og mér fannst frá fyrstu mínútu eins og þær hefðu ekki trú á þessu verkefni. Þór/KA náði öllum boltum sem komu inn á miðjuna og keyrðu á þær. Hins vegar í þau fáu skipti sem Grindavík sendi boltann sín á milli náðu þær að koma sér framar á völlinn en það var því miður örsjaldan í þessum leik.

Hann átti ágætis leik en skrítinn framkvæmdin þegar hann dæmdi fyrsta markið sem Þór/KA skorar af. Það voru fáir í stúkunni sem vissu hvað gengi á inn á vellinum og hvað hann var að dæma á.