Valsmenn komu með miklum látum inn í leikinn og áttu mörg færi í upphafi leiks. Leikurinn róaðist síðan eftir því sem leið á og náðu Selfyssingar að koma sér inn í leikinn. Selfyssingar voru á undan til þess að ná markinu inn og var í raun ekkert sem benti til þess að Valur væri að fara að jafna leikinn fyrr en kannski 10 mínútum fyrir leikslok þá jókst pressan mikið. Selfyssingar fengu nokkrar skyndisóknir í lokin en náðu ekki að nýta þær. Valur pressaði þangað til dómarinn flautaði af en það dugði ekki til.

Jöfnunarmark Vals. Gríðarlega svekkjandi fyrir Selfyssinga að fá þetta mark á sig eftir skipulagðann og agaðann varnarleik í 85+ mínútur.

Það eru orðin 7 stig í toppinn fyrir Val sem er ansi mikið. Dýrt að tapa stigum gegn þessum "minni" liðum. Eitt stig gerir svosem ekki mikið fyrir Selfyssinga en liðið situr í 7. sæti með 9 stig, jafnmörg og Grindavík.

Stjörnuprýtt lið Vals fær þennan titil eins og það leggur sig. Með þessa leikmenn, þessi gæði þá á þetta lið alltaf að klára þennan leik. Það er ekkert hægt að deila neitt um það.

Sennilega ekki erfiðasti leikur sem að Gunnar hefur dæmt. Hafði góð tök á leiknum og lét hann fljóta mjög vel. Ekki mörg vafaatriði í leiknum og komust Gunnar og hans aðstoðarmenn því vel frá sínu í kvöld.