Mörkin telja og HK skoraði úr einu af sínum færum í dag. Magni nýti það illa þegar þeir komust í ákjósanlegar stöður og tapa þess vegna þessum leik.

Magni átti aukaspyrnu á góðum stað alveg í blálokinn. Boltinn fór yfir vegginn og í bakið á Magna manni og þar í slánna og yfir. Fór örugglega um marga HK menn þá.

HK fer á toppinn í Inkasso deildinni með 28 stig, tveimur stigum meira en Þór sem er í öðru sætinu. HK er eina liðið í tveimur efstu deildum karla sem ekki hefur tapað deildarleik. Útlitið er ekki gott fyrir Magna, þeir eru á botninum með 6 stig. 4 stigum frá öruggu sæti. Þeir þurfa nauðsynlega að fara að ná í sigra ætli þeir sér að vera í Inkasso á næsta ári.

Það átti enginn sérstaklega vondan dag í dag en Gunnar Örvar var svona næstur því. Fann sig lítið fyrstu 70 mínúturnar, vann fá skalla einvígi og sendingar rötuðu illa á samherja. Magni sótti mikið síðustu tuttugu og þá kveiknaði betur á honum.

Dómarar eru lang bestir þegar maður tekur ekkert eftir þeim. Anthony Coggins var svoleiðis í dag þrátt fyrir mikla baráttu í báðum liðum. Leikurinn fékk á fljóta vel og svo greip hann inn í þegar þurfti.