Allt stefndi í að Víkingur Ólafsvík væri að ná því frækna afreki að komst í úrslitaleikinn. Liðið lagði líf og limi í verkefni kvöldsins en einstaklingsmistök reyndust dýrkeypt. Hinn ungi og efnilegi Brynjólfur Darri Willumsson skoraði flautumark í framlengingu sem tryggði Blikum vítaspyrnukeppni sem þeir unnu. Grátlegt fyrir Ólsara sem höfðu varist frækilega og Breiðablik náði sáralítið að reyna á markvörð þeirra.

Flautumarkið er auðvitað atvik leiksins. Í öðru sæti er fyrsta mark leiksins sem Gonzalo skoraði úr fyrstu marktilraun Víkinga frá Ólafsvík.

Klukkan heldur áfram að slá gleði í Kópavoginum. Það var hörkustemning á vellinum í kvöld og áhorfendur fengu allt fyrir peninginn. Breiðablik er komið í sjálfan úrslitaleik bikarsins, sem verður á Laugardalsvelli þann 15. september.

Einstaklingsmistök urðu Ólsurum að falli. Emmanuel Eli Keke lét hirða af sér boltann í fyrra marki Breiðabliks og í aðdragandanum að flautumarki Brynjólfs tók Nacho Heras þó glórulausu ákvörðun að reyna að sóla þegar hann átti að hreinsa boltann í burtu. Alveg galið.

Mjög erfiður leikur að dæma. Það var hraði, harka, pirringur, tafir, spenna og allur pakkinn. Það má setja spurningamerki við einhverja dóma en á heildina bara fínt hjá Einari.