Selfyssingar voru einfaldlega bara betri á öllum vígstöðum í dag. Tokic var í miklu stuði og hélt boltanum ótrúlega vel sem að gerði Selfoss liðinu kleift að byggja upp oft á tíðum frábærar sóknir. Haukar sýndu mikla baráttu fyrstu 30 mínúturnar en koðnuðu niður þegar Selfoss tók yfir.

Þegar annað mark Selfoss kom á 49. mínútu er óhætt að segja að tappinn hafi verið tekinn úr baðkari Hauka.

Þetta var ótrúlega mikilvægur leikur og þýða úrslitin hreinlega að Selfoss er komið úr fallsæti eftir að hafa tryggt sér 4 stig á töfluna í þessari viku. Haukar hafa sætaskipti við Selfoss og sitja í fallsæti. Fallbaráttan er í algleymingi og yrði ég ekki hissa ef að þetta muni hreinlega ráðast í lokaumferðinni.

Elton Renan Livramento Barros. Ef að maður ber hann saman við Hrvoje Tokic í þessari framherjastöðu í þessum leik. Þá er gjörsamlega himin og haf á milli þeirra. Náði aldrei að halda boltanum né gera sig líklegan. Svo sem ekki eini Haukamaðurinn sem að hefði getað fengið þennan titil.

Pétur Guðmundsson var með þennan leik í teskeið. Ekkert nema gott mál.