Sjálfstraust og gæði sóknarmanna HK eru mikil og það sýndi sig í dag. Bæði lið fengu svipað mörg og opin færi en HK-ingar nýttu sín færi virkilega vel. Uppskrift af sigri.

Þriðja mark HK og annað mark Zeiko Lewis var stórfallegt. Skot vel fyrir utan teiginn upp í fjærhornið óverjandi fyrir Aron í markinu. Zeiko tók vel á móti boltanum, hafði nægan tíma og eftirrétturinn eftir því.

HK er nú með fimm stigum meira en Þór í 2. sæti deildarinnar stigi á eftir ÍA á toppnum. Þór hefði getað farið upp fyrir HK með sigri en nú er þetta algjörlega í höndum HK að fara upp um deild.

Þetta er furðulegt val hjá mér en ég ætla að velja besta leikmann Þórs í leiknum Alvaro Montejo. Ástæðan er einfaldlega sú að það hlýtur að vera ansi sárt að eiga jafn góðan leik og hann átti í dag, en ná þó ekki inni marki og vera 4-0 undir lungann úr leiknum. Það hlýtur að pirra mann verulega.

Aðalbjörn flottur í dag. Spjaldaði Þórsara fimm sinnum en allt átti það rétt á sér.