Grimmd Fjölnis fyrst og fremst. Þeir byrjuðu leikinn af þvílíkum krafti og uppskáru mark. Vörðust svo vel og fórnuðu sér allir fyrir liðið sem skilaði þremur risastórum stigum í hús.

Hjólhestur Will Daniels hefði orðið mark áratugarins. Frábær fyrirgjöf frá vinstri og Will mun aldrei hitta boltann jafn vel með hjólhestaspyrnu. Verst að hún fór framhjá.

Ósköp einfalt. Fjölnir er á lífi og á séns á að spila áfram í Pepsi. Grindavík er aftur á móti í sínum lygna sjó og er ekkert að fara gera betur eða verr en það.

Gunnar Þorsteinsson átti ekki sinn besta dag. Missti boltann of oft á miðjunni, Hefði getað jafnað leikinn í síðari hálfleik en átti ömurlega fyrstu snertingu svo færið rann út í sandinn. Getur mun betur en hann sýndi í dag.

Pétur var bara nokkuð solid. Engar risaákvarðanir að taka svo sem en hann var bara fínn.