Ætli ég setji það ekki á sjöttu til sautjándu mínútu leiksins þar sem KA menn skora þrjú mörk og Grindvíkingar náðu aldrei að vinna upp það forskot þó þeir væru ansi nálægt því.

Sláarskot Mateo á 93. mínútu. Mateo fór í skotið fyrir utan sem virtist ætla að syngja í netinu en boltinn fór í slánna og niður og KA menn unnu því leikinn. KA menn sáu þarna fyrir sér enn einn leikinn þar sem þeir myndu fá á sig jöfnunarmark í uppbótartíma en sluppu með skrekkin!

KA menn eru í 6.sætinu með 28 stig, tveimur stigum meira en ÍBV og eru því ekki öruggir í 6.sætinu. Grindavík dettur niður í 9.sætið með 25 stig og mæta ÍBV í síðasta leik tímabilsins þar sem þeir geta klifrað upp í 7-8. sæti.

Archange Nkumu. Archie kom inná í dag og fékk á sig eins klárt víti og hægt er, missti boltann reglulega og var hrikalega óöruggur, ólíkt þessum annars flotta leikmanni.

Doddi er búinn að vera frábær í sumar og dæmdi þennan leik mjög vel, vítið hárrétt og spjöldin öll rétt að mínu mati. Rosalega slæmt fyrir deildina að hann sé að hætta í haust!