Gæði Fjölnismanna voru bara miklu meiri í dag, sást vel í dag hvort liðið spilaði í Pepsi deildinni í fyrra.

Magnamenn telja sig eiga að fá víti þegar Gunnar Örvar fellur í teignum og meiðist, Einar dæmir ekkert og Fjölnismenn bruna upp og skora. Fyrir vikið enda Magnamenn leikinn með tíu leikmenn.

Fjölnir er komið upp í 3. sæti ásamt Þór á meðan að Magnamenn sitja eftir í neðsta sæti stigalausir.

Frosti Brynjólfsson átti afleitan dag, gekk lítið upp hjá honum sóknarlega og svo var eins og Frosti væri í fríi varnarlega enda var Elís alltaf með endalausan tíma og pláss til að teikna boltann þangað sem hann langaði, virkilega léleg varnarvinna hjá Frosta stimplar hann í þetta box. Það komu fleiri Magnamenn til greina...

Einar Ingi var í heildina flottur, gerir vel þegar hann gefur Sigurpál sitt annað gula spjald eftir smá umhugsunartíma og en það sem að dregur hann aðeins niður er hugsanlegt víti sem Magni átti að fá, ég er sjálfur ekki klár á því hvort hann hafi haft það rétt eða ekki. Gefum honum solid einkunn!