KR-ingar skora snemma í leiknum og verjast svo gríðarlega vel. Víkingur var miklu meira með boltann í leiknum en náðu aldrei að skapa sér nægilega góð færi.

Rauða spjaldið á Sölva Geir. Sást ekki héðan úr fréttamannastúkunni hvað gerðist en svo virðist sem að um olnbogaskot hafi verið að ræða.

Víkingar sitja enn í ellefta sæti og leita af sínum fyrsta sigri. KR-ingar lyfta sér uppí annað sæti, að minnsta kosti tímabundið, og eru með ellefu stig.

Ágúst Eðvald sá ekki til sólar fyrir varnarmönnum KR í dag. Var óhræddur við að reyna og er fullur sjálfstrausts en því miður gekk lítið upp hjá honum í dag. Guðmundur Andri var þá einnig í basli með að komast framhjá frábærum Kennie Chophart. Svo fær Sölvi Geir að sjálfsögðu rautt sem að er vont útaf fyrir sig.

Pétur var bara flottur í dag. Hélt línunni ágætlega og leyfði leiknum að fljóta. Spurning með rauða spjaldið samt en það verður bara að koma í ljós.