Grimmd, vilji og liðsheild Víkinga sem eru loksins farnir að skora einhver mörk væri stutta svarið. Víkingur var bara nokkrum númerum of stórir fyrir stjörnuprýtt lið Fjölnis í dag. Voru betri á öllum vígstöðum og þáttum fótboltans frá aftasta manni til þess fremsta. Það var ekki veikleikamerki að sjá á Ólafsvíkingum í dag. Á hinn boginn voru Fjölnismenn arfaslakir og áttu erfitt uppdráttar í dag. Gerðu mikið af einstkalingsmistökum sem kosta og voru hreint út sagt lélegir á seinasta þriðjung vallarins.

Eftir langan bolta frá Eli Keke úr vörninni gerir Atli sig sekan um að hlaupa úr markinu í átt að boltanum þar sem Barrie var mættur á hann. Uppúr því skoraði Barrie eftir sendingu frá Harley og kom Ólsurum í 2 - 0 sem fór dálítið með leikinn og gerði þetta mjög erfitt fyrir Fjölni.

Ólafsvíkingar laga stöðu sína í deildinni eftir slakt gengi upp á síðkastið og eru komnir í 27 stig, 8 stigum á eftir Fjölni sem verma efsta sæti deildarinnar. Fjölnir heldur hinsvegar áfram að hiksta og eru að hleypa mikilli spennu í baráttuna um efsta sætið.

Allt Fjölnisliðið.. Mættu bara ekki til leiks í dag og komu sér aldrei í takt. Fá tvö víti á sig, gera sig seka um slæm einstaklingsmistök og pirringsbragur yfir leikmönnum liðsins. Ofan á þetta voru þeir virkilega slakir á seinasta þriðjung vallarins sem skapaði oft usla þegar Ólsarar sóttu hratt. Hefði getað endað stærra ef eitthvað var.

Við getum sagt að Ívar Orri hafði lítil sem engin áhrif á úrslit leiksins og fær því fínustu einkunn. Tríóið getur gengið sátt frá borði og höfðu engin stór áhrif á úrslitin. Ef það er eitthvað sem má setja spurningamerki við væri það seinna víti Ólsara og ákvörðun hans að dæma á Ívar Reyni þegar Atli keyrir hann niður innan vítateigs. Ef úrslitin hefði verið önnur en raun ber vitni hefðu þessar ákvarðanir geta kostað meira.