Leiknismenn voru heilt yfir betri í leiknum. Þeir eru væntanlega afar ósáttir við rauða spjaldið og telja það dýrkeypt. Maður spyr sig hvort Leiknismenn hefðu unnið leikinn 11 gegn 11? Aftur móti eru Þórsarar líklega afar, afar svekktir að hafa ekki klárað leikinn einum fleiri.

Engin spurning. Þegar allt sauð upp úr í fyrri hálfleik. Sigurður Hjörtur dregur upp rauða spjaldið eftir fund með línuverði 1. Leiknismenn gjörsamlega sturlast. Efast um að margir á vellinum hefðu búist við rauða spjaldinu. Leiknismenn sýndu mikinn karakter að ná í stig úr þessari stöðu.

Úrslitin eru ekki góð fyrir bæði lið. Þór er núna í þriðja sæti, stigi á eftir Gróttu, sem á auðvelt leikjaplan framundan. Grótta er í dauðafæri á að leika í Pepsi Max-deildinni næsta sumar. Leiknir er í fjórða sæti, fjórum stigum frá Gróttu.

Sigurður Hjörtur og hans teymi áttu ekki góðan dag í dómgæslunni, náðu ekki góðri stjórn á leiknum. Rick Ten Voorde fékk þá dauðafæri stuttu eftir jöfnunarmark Leiknis til að koma Þór yfir. Hann skallaði hins vegar boltann fram hjá markinu.

Efast um að rauða spjaldið hafi verið réttmætt og þú verður að vera með svona ákvarðanir á hreinu. Leiknismenn vildu líka fá nokkur víti í leiknum. Frá mínu sjónarhorni verðskulduðu Breiðhyltingar að minnsta kosti eina vítaspyrnu, ef ekki fleiri. Leiknismenn eru mjög fúlir með dómgæsluna á Akureyri í kvöld og er það líklega skiljanlegt upp að vissu marki. Var ekki með góð tök á leiknum.