Fram stjórnaði leiknum nánast allan tímann og uppskar að lokum verðskuldaðan sigur. Leiknismenn börðust og vörðust ágætlega framan af en sköpuðu sér nánast engin færi og héldu boltanum illa. Salko Jazvin kom inn á í seinni hálfleik og var hættulegur fram á við en annað var það ekki. Fred veldur flestum liðum vandræðum með gæðum sínum og þá var Þórir Guðjónsson sífellt að í framlínu Frammara

Rauða spjaldið. Ljósmyndir af atvikinu sýna greinilega að það var kolrangur dómur.

Fyrsti leikur í Lengjudeildinni fyrir bæði lið. Gott að byrja á sigri á heimavelli fyrir Fram en ekkert sérstök byrjun fyrir Leikni

Stefán Ómar Magnússon og Björgvin Stefán Pétursson voru hálf ósýnilegir í framlínu Leiknismanna. Þeir fengu reyndar út afar litlu að moða og Leiknismenn þurfa að finna einhverjar lausnir í sóknarleiknum

Sæmilega dæmt. Það var nokkuð hart barist en Kristinn Friðrik hélt stjórn á leiknum allan tímann. Rauða spjaldið var rangur dómur en hann gefur það eftir samtal við línuvörð sinn.