Þór/KA var einfaldlega miklu betra liðið í svona 25 mínútur í þessum leik. Frá þeim tímapunkti sem Hulda Ósk óð inn á vítateig gestanna og átti fyrirgjöf inn á teiginn og allt fram að hálfleiksflautinu. Eftir fyrsta markið lét Þór/KA kné fylgja kviði og gekk á lagið, setti þrjú í viðbót og gerði út um leikinn, svona svo allir frasarnir séu notaðir. ÍBV liðið lék þokkalega í seinni hálfleik en ógnaði ekki marki Þór/KA að neinu ráði.

Fyrsta markið þar sem það í raun réði úrslitunum en þriðja markið var gjörsamlega sturlað. Margrét Árnadóttir lét vaða fyrir utan teig og boltinn sveif og sveif og sveif þangað til hann hafnaði í fjærhorninu. Frábært skot!

Þór/KA er á toppi deildarinnar, átta mörk skoruð og einungis eitt fengið á sig. Liðið mætir Val í toppslag í 3. umferð. ÍBV er áfram með þrjú stig.

Grace Elizabeth Haven Hancock og Eliza Spruntule fá að deila þessum titli í miðverðinum, varnarlínan í heild sinni hefði svo sem öll komið til greina.

Fínt flæði og lítið áberandi.