Hraði Kenneth Hogg réði úrslitum. Varnarlína heimamanna átti í miklu basli þegar hann setti í fluggírinn og eftir einn sprettinn setti hann flott mark sem reyndist á endanum sigurmark leiksins.

Spaugilegt atvik varð í fyrri hálfleik þegar Þormar Elvarsson fær gult spjald. Er að fá sendingu út á væng sem er alltof há og á leið útaf þegar honum dettur í hug að reka upp hendurnar og nánast grípa boltann áður en hann fer útfyrir. Uppskar að sjálfsögðu gult spjald fyrir.

Njarðvíkingar með fullt hús stiga eftir tvo leiki og mæta næst Kórdrengjum í risaslag í 2.deildinni. Selfyssingar hafa enn þrjú stig og mæta Völsungi næst.

Þorsteinn Aron Antonsson átti erfitt með hraða Hogg í dag. Gerir sig sekan um mistök þegar Hogg skorar sigurmarkið þegar hann á mjög slaka sendingu eftir að hafa rokið úr vörninni með boltann og skilið eftir risa svæði fyrir Hogg til að hlaupa í.

Þórður átti bara þokkalegan dag í dag. Þær stóru ákvarðanir sem hann þufti að taka voru að mestu réttar. En ég er enn að reyna átta mig á hvernig hreinsun frá marki getur talist sending til baka á markmann.