Lukkan var í liði með Grindavík í dag. Þróttar hefðu getað verið yfir í hálfleik þrátt fyrir að hafa leikiði manni færri síðan á 29.mínútu en inn fór boltinn ekki. Grindavík refsaði að endingu fyrir það og náði inn marki áður en yfir lauk.

Rauð spjöld breyta leikjum það er svo einfalt. Mjög deildar meiningar vorum um að senda Guðmund Friðriksson í sturtu eftir tæplega hálftíma leik en því varð ekki breytt. Þó fannst mér ef eitthvað er Þróttarar betri 10 en 11 og augljóst að þeir hafa þjappað sér vel saman við áfallið þó að endingu hafi það ekki skilað þeim neinu.

Grindavík setur sín fyrstu stig á töfluna og klífa upp listann. Þróttur stigalaust á botninum og þurfa að bæta í.

Guðmundur Friðriksson fær rautt spjald eftir 29 mínútna leik. Vissulega deildar meiningar um spjaldið en það er hrikalegur dagur á skrifstofunni að lenda í þessu.

Ekki góður og ekki alslæmur. Var samt ekki alltaf í línu við sjálfan sig og spjaldaði einn fyrir litlar sakir en sleppir þeim næsta fyrir verra brot. Seinna gula á Guðmund Friðriks stendur þó upp úr og miðað við það sem maður heyrði á vellinum voru flestir á því að þar hafi verið um rangan dóm að ræða.