Leiknismenn voru einfaldlega betri aðilinn í leiknum. Grimmari, fljótari í seinni boltana og beinskeyttari. Kristófer Páll var virkilega sprækur í fyrri hálfleik og tveggja marka maðurinn, Arkadiusz Grzelak, var öflugur í vörninni.

Vítaspyrnudómurinn. Gauti Gautason vildi ekki tjá sig um hann á meðan Kristófer Páll sagði að um klára vítaspyrnu væri að ræða. En það var aðdragandinn sem var klaufalegastur, þar átti Gauti slaka sendingu á Steinþór sem lenti í miklu basli með sendinguna, sem varð til þess að Kristófer komst í boltann og vann vítaspyrnuna.

Magnamenn leita enn að fyrsta stiginu, en Leiknismenn komust á blað með því að ná í fyrsta sigurinn á tímabilinu. Magni heimsækir Aftureldingu í næsta leik á meðan Leiknir fær Þrótt R. í heimsókn í Fjarðabyggðahöllina.

Magnaliðið varð bara undir í baráttunni í dag og byrjuðu ekki að setja mark sitt á leikinn fyrr en það var orðið of seint. Þeir voru flatir og hugmyndasnauðir í sinni spilamennsku og þurfa að ná áttum sem fyrst, ef ekki á illa að fara.

Hélt ekki góðu flæði í leiknum og virtist ekki vera með neina sérstaka línu.