Þetta var hörkuleikur í dag. Tvö lið sem verða væntanlega að berjast um það að fara upp um deild í sumar. Þetta var algjör iðnaðarsigur hjá Selfossi, þeir voru mjög grimmir í alla bolta, héldu skipulagi vel og þá sérstaklega eftir að hafa misst mann útaf með rautt spjald. Þeir fá líka hrós fyrir það að reyna að spila fótbolta einum manni færri. Mörg lið hefðu bara lagt rútunni og neglt boltanum fram. Haukar fengu fullt af færum í dag og naga sig væntanlega í handarbökin að hafa ekki nýtt eitthvað af þeim. Þeir pressuðu Selfyssinga mjög hátt á vellinum til að byrja með en síðan leystu gestirnir það. Oliver Helgi og Tómas Leó voru mjög sprækir og voru að komast í flottar stöður trekk í trekk en verða að nýta það betur.

Markið hjá Hrvoje Tokic. Sýndi hversu mikil gæði hann hefur. Lék á varnarmann og markmann og kláraði vel.

Selfyssingar eru með 9 stig eftir 4 leiki og mæta Fjarðabyggð í næstu umferð. Fyrsta tap Hauka í deildinni. Eru því enn með 9 stig og eiga Kórdrengi á heimavelli í næstu umferð.

Oliver Helgi Gíslason átti ekkert sérstakan dag. Fékk fullt af færum sem honum tókst ekki að nýta, þar á meðal sennilegu tvö bestu færi leiksins.

Hafði sæmileg tök á leiknum. Hefði sennilega átt að dæma víti þegar Guðmundur tók Nikola Dejan niður en þeir voru á miklum hraða og erfitt að sjá nákvæmlega nema á myndbandsupptöku.