Varnarleikur FH var það sem skilaði sigrinum hér í dag. Þróttur byrjaði leikinn ekki vel og eftir að Andrea Mist skoraði þetta glæsilega mark varð FH virkilega skynsamar og voru virkilega þéttar tilbaka og gáfu ekki mörg færi á sér. Telma var síðan virkilega örugg í markinu þegar Þróttur komsr í færi.

Markið frá Andreu Mist var sturlað og breytti það leiknum! Þar sem FH var komið yfir gátu þær þétt sig varnarlega og silgt sigrinum í höfn.

Með sigrinum er FH komið í 8-liða úrstlit Mjólkurbikarsins á meðan Þróttur hefur lokið keppni í bikarnum þetta árið.

Þetta var ekki góður dagur fyrir lið Þróttar í heild sinni. Þær byrjuðu leikinn ekki af þeim krafti sem maður hefur séð þær byrja síðustu leiki. Þetta var samt frekar jafn leikur í seinni hálfleik en FH vann bara baráttuna og voru virkilega þéttar. Svo er líka aldrei gaman að detta út í bikar sem gerir þetta að slæmum degi fyrir Þrótt

Mjög flott framviðstaða hjá tríóinu! Leyfðu leiknum að fljóta vel og beyttu hagnaðinum virkilega vel. Yfir engu að kvarta þar!