Fyrstu tíu mínútur leiksins. Valskonur mættu grimmar og áræðnar og slátruðu leiknum á þeim tíma. Eyjakonur voru ekki mættar til leiks og auðvitað gengur jafn gott lið og Valur á lagið. Gátu leyft sér að taka því rólega það sem eftir var leiks.

Fyrsta markið gaf tóninn. Eyjakonur í bölvuðu basli með að hreinsa og klassaleikmaður eins og Elín Metta lætur ekki bjóða sér það tvisvar og refsar grimmilega.

Valur áfram í Mjólkurbikarnum en ÍBV ekki. Einfalt.

Miyah Watford má eiga það að hún var sannarlega að reyna í dag. En hún átti því miður ekki breik í varnarlínu Vals sem voru bæði fljótari og sterkari en hún

Ekkert alslæmt en á köflum sveiflukenndur og ósamkvæmur sjálfum sér.