Þegar vel var liðið á leikinn þá var Albert alls ekki efstur í mínum huga í vali á manni leiksins, enda oft átt betri daga heilt yfir. Svo stígur hann upp á ,,crucial" stundu og skorar tvö mörk sem snúa leiknum Kórdrengjum í vil. Hvernig er ekki hægt að velja hann?

Tómas átti flottan leik í dag. Hann var oft á tíðum ógnandi fram á við og bjó til nokkur ákjósanleg færi fyrir liðsfélaga sína. Svo skoraði hann mark úr vítaspyrnu sem hann átti sannarlega skilið. Mig langar einnig að nefna að mér fannst Valur Reykjalín Þrastarson eiga góðan leik. Þá kom Jordan Damachoua með kraft inn í lið Kórdrengja eftir að hann kom inn á.