Þróttarar voru ótrúlega nálægt því að taka öll þrjú stigin í dag. Þeir taka þó væntanlega stiginu fagnandi. Það var allt annað að sjá liðið í kvöld og var þetta sennilega þeirri besti leikur á tímabilinu. Þeir mættu ótrúlega grimmir í seinni hálfleik eftir að hafa lent undir og skoruðu tvö mörk, þeirra fyrstu mörk síðan í fyrstu umferð. Þeir þurfa á svona spilamennsku að halda ef þeir ætla ekki að vera í fallbaráttu í sumar. Fram var betra liðið í fyrri hálfleik. Þeir mættu full værukærir til leiks í seinni hálfleik og slökuðu aðeins of mikið á. Virtust ekki reikna með því að Þróttarar myndu mæta svona grimmir til leiks. Fram þarf að ná að loka leikjum ef þeir ætla að vera í toppbaráttu í sumar.

Jöfnunarmark Þróttar var ótrúlega glæsilegt. Birkir Þór hamrar boltann í slánna og inn. Fyrsta mark Þróttar í mjög langan tíma og maður gat fundið léttinn og orkuna sem kom frá stuðningsmönnum þegar Birkir skoraði.

Þróttur nær í sitt fyrsta stig og bætir spilamennsku sína töluvert. Fram er enn í 2. sæti með 14. stig

Fred var ekki nógu góður hjá Fram í dag. Hann hefur ótrúleg gæði og býr yfirleitt eitthvað til en var ,,off'' í dag. Hangir stundum aðeins of lengi á boltanum.

Kristinn stóð sig ágætlega. Það var hart tekist á, sérstaklega í seinni hálfleik en hann réð ágætlega við það.