Markið. Það verður ekki flóknara en það. Haukar voru miklu meira með boltann, þá sérstaklega í seinni hálfleik en náðu ekki að setja mark í kvöld. María Lovísa gerði virkilega vel fyrir Gróttu og kláraði eitt af þeim færum sem hún fékk í kvöld eftir frábæran undirbúning frá Emelíu, sem var að byrja sinn fyrsta meistaraflokks leik fyrir Gróttu.

Markið hjá Gróttu. Virkilega vel gert.

Þessi tvö lið skipta um sæti í stöðutöflunni. Grótta er komið upp í 3.sæti og Haukar í 4.sæti.

Hauka liðið eru svekktar með tap í kvöld. Þó svo að þetta var ekki slæmur leikur hjá þeim, þá eru þær ekki ánægðar með að hafa ekki náð að setja mark í leikinn í kvöld.

Erfiður leikur að dæma. Virkilega mikil barátta inn á vellinum í kvöld. Oft og tíðum skildi ég ekki af hverju hann var að dæma en á sama tíma voru önnur atvik sem hægt var að dæma á. Frá mínu sjónarhorni hefði Grótta átt að fá víti á 5.mínútu þegar María Lovísa var tekin niður inn í vítateig en ekkert dæmt.