Gestirnir lokuðu vel á það sem Haukarnir reyndu lengi vel og komust auðvitað yfir. Að fá rautt spjald í stöðunni 1-1 setti þá þó í erfiða stöðu og Haukar gerðu nóg á síðasta hálftímanum til að klára leikinn.

Rauða spjaldið sem Jónatan fékk breytti leiknum þó svo að Haukarnir hefðu vissulega átt að nýta sér það betur.

Haukar halda 2.sætinu í deildinni og eru nú komnir með 15 stig. Þeir eru stigi á eftir Kórdrengjum sem eru á toppi deildarinnar. ÍR er aftur á móti enn með 7 stig í 8.sæti.

Þrátt fyrir að gestirnir úr Breiðholti hafi barist vel manni færri þá verð ég að gefa Jónatani Hróbjartssyni þetta fyrir rauða spjaldið. Tæklingin hans á Nikola þegar hálftími lifði leiks var heimskuleg fyrir mann sem var nú þegar á spjaldi.

Heilt yfir með fín tök á leiknum en mér fannst nokkrar ákvarðanir halla á ÍR-inga. Stóru ákvarðanirnar, vítið og rauða spjaldið, virtust vera réttar frá mínu sjónarhorni.