Þetta var jafn og skemmtilegur leikur en Leiknismenn skoruðu þrjú mörk gegn tveimur og það telur. Heimamenn hefðu eflaust viljað skora annað mark sitt aðeins fyrr í leiknum.

Þriðja mark Leiknis kom snemma í seinni hálfleik og gerði þetta langsótt fyrir heimamenn. Hetjuleg barátta fram á síðustu mínútu en erfitt að koma til baka úr 0-3 stöðu.

Leiknismenn tilla sér aftur á toppinn en Afturelding situr í 8. sæti deildarinnar.

Þetta var skemmtilegur fótboltaleikur milli tveggja liða sem spila fínan bolta. Vondur dagur fyrir þá sem hafa gaman af einum löngum fram á við.

Kristinn Friðrik var með allt á hreinu í dag og dæmdi þennan leik bara afar vel. Fór lítið fyrir honum og þannig vill maður hafa þetta.