Það voru ekki mörg marktækifærin sem liðin sköpuðu sér á Grenivík í dag og í raun fullkomlega sanngjarnt að leikar hafi endað 1-1. Mark Þróttara kom eftir vel útfærða skyndisókn þar sem Oliver stakk vörn Magna af og skoraði og jöfnunarmark Magna kom eftir snarpa sókn einnig.

Mark Þróttara. Langur bolti fram og Oliver Heiðasson stingur vörn Magna af og klárar með föstu og góðu skoti í fjærhornið. Upp úr engu.

Þróttarar eru í 10. sæti með stigi meira en Leiknir F. og þremur stigum meira en Magni sem er í botnsætinu.

Gæðalítill leikur þar sem mér fannst enginn einn leikmaður verri en aðrir. Ég tek það bara fram hér í stað þess að skrifa það við leikmennina á eftir að ég geymdi að velja bestu leikmenn leiksins þar til síðast, svo erfitt var það.

Jóhann var fínn í þessum leik, bjóst við grófari leik í jafn miklum fallbaráttuslag. Held það sé alveg hægt að færa rök fyrir því að dæma ekki víti í báðum vafaatriðunum.