Kórdrengir byrjuðu leikinn sterkt og ná inn tveimur mörkum í fyrri hálfleik. Hrvoje Tokic minnkaði síðan muninn og settu Kórdrengi undir smá pressu en varnarleikur liðsins var frábær og Kórdrengir gerðu síðan út um leikinn þegar lítið var eftir af leiknum með marki frá Jordan Damachoua.

Þriðja mark Kórdrengja sem gerði út um þetta - Kórdrengir unnu hornspyrnu sem Ásgeir Ásgeirsson teiknaði upp á Jordan Damachoua sem stangaði boltann í netið.

Kórdrengir styrkja stöðua sína á toppnum og eru komnir í 43.stig. Selfoss situr í þriðja sæti deildarinnar með 37.stig eins og Þróttur Vogum sem eru komnir upp í annað sætið á markatölu.

Það var í raun enginn slakur á vellinum í kvöld. Hendi þessu á Óskar Valberg Arilíusson fyrir að láta reka sig útaf. Atvik sem fór alveg framhjá mér. En lýsingin í Safamýri var ekki upp á tíu í kvöld.

Helgi Ólafsson var í brasi í kvöld en hann var farinn að fá bæði lið á móti sér með slæmum ákvörðunum út á velli. Ætla að nýta mér þennan dálk og senda pillu á KSÍ að senda ekki betri mann í þetta verkefni en það var gríðarlega mikið undir hjá báðum liðum í kvöld og Helgi Ólafsson fannst mér ekki rétti maðurinn í þetta verkefni í kvöld.