Fjölnismenn voru mikið meira með boltann. Þróttur náði að verjast vel á móti öflugri sókn Fjölnis. En eftir að þriðja markið kom hjá Fjölni og Hreinn Ingi fékk rautt spjald þá var þessi leikur alveg búinn.

Atvikið í leiknum er þegar markvörður Fjölnis, Sigurjón Daði, gefur boltann á Ford í teignum fyrir framan markið.

Fjölnismenn fara fagnandi frá Laugardalnum með þrjú stig í hús eftir fyrsta leik. Þróttarar náðu ekki að koma sér á blað..

Það var enginn sem átti sýnilegan vondan dag, en maður verður að setja þetta á Hrein Inga sem fékk rautt annan leikinn í röð. Fyrst í Mjólkurbikarnum á móti Víkingi Ó. og svo í þessum leik. Svo fékk George Ford færi á silfurfati í fyrri hálfleik sem hann náði bara ekki að klára, það gæti hafa komið Þrótturum í góða stöðu

Dómarinn var ekki hræddur í að veifa upp spjöldum í þessum leik. Hann átti fínan leik.