Þéttur og vel skipulagður varnarleikur Keflavíkur sigldi stiginu heim. Stjarnan var miklu meira með boltann og það vantaði tötsið í síðustu spyrnuna fyrir framan markið.

Ég bara get ekki hætt að hugsa um færið sem Úlfa Dís fékk í seinni hálfleik. Hún eflaust ekki heldur. Snyrtileg sending frá Hildigunni sem lenti beint fyrir framan Úlfu sem var mjög nálægt markinu. Hún tók hann á lofti á ferðinni og ætlaði að stýra honum innanfótar í markið. En rétt framhjá! En Úlfa átti mjög góðan leik í dag og hún skorar í næsta leik.

Úrslitin þýða að bæði lið eru komin með sín fyrstu stig. Deildin er galopin og það þýðir að þetta sumar verður stórskemmtilegt.

Gef Abby þetta fyrst að hún ákvað að sækja sér rautt í dag með því að klappa fyrir gula spjaldinu sínu. Það er ekki gáfulegt. Hefði líka viljað sjá meira frá henni sóknarlega í dag. Það er einsog hún hafi verið í þriðja gír þegar hún á tíu gíra inni. Við sáum rispu frá henni í seinni hálfleik þar sem hún ákvað bara að tæta varnarmennina í sig því henni fannst það góð hugmynd. Hún getur þetta og þarf að gera meira af þessu fyrir Keflavík ef þær eiga að skapa sér meira af færum.

Guðmundur Páll var flottur í dag. Leyfði leiknum að fljóta ágætlega. Eflaust réttur dómur að reka Abby út af fyrir klappið.