Leikurinn var mjög kaflaskiptur, ÍBV voru betri fyrstu 25 síðan tók Valur yfir leikinn í 25 mínútur. ÍBV kom sér svo aftur inn í leikinn en fjórða mark Valsara kláraði leikinn.

Fjórða mark Vals sem Bergdís Fanney skorar gerir alveg út um leikinn. ÍBV voru búnar að minnka muninn í 2-3 og voru alveg líklegar í að jafna leikinn.

Valskonur eru enn ósigraðar og fara á topp deildarinnar með 10 stig. ÍBV tapa enn einum leiknum sem þær eru að spila mjög vel og það er með ólíkindum að þær séu með aðeins 3 stig.

Elín Metta verður að taka það á sig. Hún slapp í gegn nokkrum sinnum og klúðraði færum þar sem hún vön að klára. Hún átti ekki lélegan leik en hún ætti að hafa skorað allavega 2 mörk í þessum leik. Spurning hvort það sé að trufla hana að hún hefur ekki enn skorað á tímabilinu?

Margir skrýtnir dómar í báðar áttir og það var oft eins og hann nennti ekki að spjalda leikmenn. Mætti líka í hlaupaskóm að dæma sem er gult spjald frá mér.