Leiknismenn voru öflugir varnarlega og Valsmenn fundu fáar glufur. Á lokakafla leiksins þá lögðust gestirnir of mikið í skotgrafir og Valur fann eina mark leiksins. Leiknir getur tekið margt jákvætt varnarlega úr leiknum en hann var bragðdaufur og átt um færi.

Leikur sem skilur lítið eftir sig. Sigurmarkið fer sjálfkrafa í þennan flokk.

Enn og aftur nær Valur í stigin þrjú án þess að halda sýningu. Uppskeran er góð en liðið á talsvert inni, sem eru vondar fréttir fyrir andstæðingana. Leiknismenn eru með fimm stig og þeir hafa sýnt að þeir geta krækt í eitthvað á móti hverjum sem er.

Þetta var ekkert sérstakur dagur fyrir sóknarmenn, ef undan er skilinn Patrick Pedersen. Það vantaði meira líf á síðasta þriðjung, á báðum endum.

Helgi Mikael og hans menn voru með stjórn á öllu.