Vaninn að vinna leiki skilaði miklu í kvöld. Valsliðið er rútínerað og vant því að vinna og gerir yfirleitt nóg til þess að svo fari. Á sama tíma eru Keflvíkingar í lægð og lukkan ekki á þeirra bandi.

Seinna mark Vals. Boltinn virtist vera heila eilífð í teig Keflavíkur eftir hornspyrnu og heimamönnum virtist fyrirmunað að koma tuðrunni frá. Kann ekki góðri lukku að stýra og á endanum fann boltinn leið fyrir fætur Birkis Más sem skilaði boltanum í netið.

Valur fer á toppinn til morguns í það minnsta en Víkingar geta komist uppfyrir þá á markatölu vinni þeir Fylki. Keflavík situr í 10,sæti en gæti fallið í það 11. vinni HK sinn leik á morgun.

Patrick Pedersen fann ekki markaskónna í kvöld. Fékk ágætis sénsa en voru mislagðir fætur á HS-Orkuvellinum í þetta sinn. Hefði á sínum degi sett 1-2 mörk lágmark.

Ekkert upp á Villa að klaga í dag. Leikstjórn góð heilt yfir bara virkilega góð frammistaða hjá honum.