Þetta var jafn og opinn leikur þar sem bæði lið sköpuðu sér nóg af færum og hefðu hæglega getað skorað fleiri mörk. Stjörnukonur áttu síðari hluta fyrri hálfleiksins og ÍBV voru betri í upphafi síðari hálfleiksins. Það sem réði úrslitum var að ÍBV skoraði tvö en Stjarnan bara eitt. Markmenn beggja liða áttu góðar vörslur en sóknarmenn beggja liða máttu oft gera betur í góðum færum.

Vítaspyrnan sem ÍBV fékk á 18. mínútu leiksins. Olga hoppar upp í skallabolta eftir fyrirgjöf og Chante fær dæmt á sig víti fyrir að brjóta á henni. Stjörnukonur voru ekki sáttar með þennan dóm.

ÍBV er komið í 8-liða úrslit en Stjarnan hefur lokið keppni í Mjólkurbikarnum árið 2021.

Sóknarmenn Stjörnunnar eru eflaust ekki sáttar að hafa ekki nýtt fleiri færi í þessum leik. ÍBV hefði líka getað skorað fleiri en þær gerðu nóg til að vinna og eru kannski minna svekktar.

Fín frammistaða hjá Guðmundi. Vítaspyrnan þannig séð eina vafaatriðið en maður þyrfti að sjá hana endursýnda til að sjá hvort hún hafi verið rétt.