Þetta var leikur tveggja hálfleikja, Gróttumenn áttu þann fyrri á meðan Þróttur átti alfarið þann síðari en umdeilda rauða spjaldið sem Halldór Kristján fær kom Þrótti alveg inn í leikinn og jafna þeirsíðan leikinn í kjölfarið.

Atvik kvöldins var vítið sem Grótta fær á sig. SJálfur sýnist mér boltinn vera kominn útaf þegar brotið á sér stað svo það er ekki verið að koma í veg fyrir marktækifæri en dómarinn dæmir og hann dæmdi víti og rautt á Dóra.

Gróttumenn detta niður í 4. sæti og eru með 8 stig eftir 5 leiki. Annar leikurinn í röð þar sem þeir missa niður forystu í síðari hálfleik. Þróttur færast upp um eitt sæti og fara í 10. sætið. Þeir eru núna með 4 stig úr 5 leikjum og jafna því Selfyssinga en eru með betri markatölu.

Enginn sérstakur leikmaður sem átti vondan dag. Kristófer Orri var smá vonbrigði í dag miðað við sinn standard en var samt ekki lélegur. Margir hefðu sagt Halldór Kristján vegna spjaldsins en hann var flottur fyrir það. Gef engum þennan titil, enginn á hann skilið í dag.

Ívar var í veseni í leiknum í dag. Missti af brotum á köflum og hefði getað dæmt leikinn betur... og að sjálfsögðu vítadómurinn.