Kórdrengir nýttu þau fáu færi sem þeir fengu í leiknum á meðan Vestri fór illa með sín færi í fyrri hálfleik. Sindri Snær varði í tvígang vel en það vantaði alla vigt í sóknarleik Vestra í seinni hálfleik.

Brot Daniel Osafo-Badu í uppbótartíma gæti haft áhrif á lið Kórdrengja í næstu leikjum. Albert Brynjar varð fyrir meiðslum í kjölfarið og bera þurfti hann af velli á börum. Í viðtali eftir leik sagði Davíð Smári þjálfari Kórdrengja að ástandið væri alvarlegt við fyrstu athugun. Það yrði mikið áfall fyrir Kórdrengi að missa Albert Brynjar í meiðsli.

Kórdrengir eru nú í 3. sæti deildarinnar með 19 stig, þremur stigum á eftir ÍBV. Vestri er enn í 6. sæti deildarinnar með 16 stig.

Sóknarleikur Vestra var ekki upp á marga fiska í dag. Pétur Bjarnason var alls ekki í takt í leiknum og þá sérstaklega í seinni hálfleik.

Stóðst prófið vel. Leyfði mikla hörku en það er spurning hvort hann hafi fallið á prófinu með þeirri ákvörðun að gefa Daniel Badu ekki rautt spjald í uppbótartíma þegar hann braut illa á Alberti Brynjari.