Baráttugleði Skagamanna skilaði öðrum sigrinum í sumar. Þeir hefðu getað unnið 3-1 en þeir hefðu líka vel getað misst leikinn niður í restina. Valsmenn áttu þrjár tilraunir í tréverkið en það var fátt um góða spilkafla. Skagamenn breyttu um upplegg og spiluðu meiri maður á mann vörn en þeir eru vanir. Það gekk vel í dag og tókst þeim að nýta tvö föst leikatriði með aðstoð gestanna.

Stangarskot Pedersen í uppbótartíma. Maður lifandi hvað það endurspeglaði einhvern veginn þennan leik Vals í dag. Boltinn endaði hjá Patrick en skotið í stöngina og út.

Toppliðið er áfram á toppnum en Breiðablik á nú tvo leiki til góða og er einungis fjórum stigum á eftir. ÍA er nú stigi frá næsta liði og tveimur stigum frá öruggu sæti. Annar deildarsigurinn í sumar!

Spilamennska Vals var ekki að heilla neitt. Fyrir utan Kaj Leo var fátt um fína drætti og Christian Köhler var sennilega manna verstur. Valsarar söknuði Birkis Heimissonar á miðjunni.

Heilt yfir ágætlega dæmdur leikur að mínu mati. Ég er enginn sérfræðingur á því hvenær skal stöðva leik vegna meiðsla en Valsarar létu heyra í sér á köflum og höfðu kannski eitthvað til síns máls.