Þróttarar börðust til enda. Leikurinn virtist vera að enda með 2-1 sigri Fram en þá kom Sam Hewson til bjargar með aukaspyrnusnilli. Frábær spyrna hjá honum sem réði úrslitum í þessum leik. Þróttarar skoruðu tvö mörk á Fram í kvöld, lið sem hafði ekki fengið á sig mark á útivelli í deildinni í allt sumar. Þetta er fyrsti leikurinn sem Fram vinnur ekki á útivelli þetta tímabilið.

Aukaspyrnan undir lokin. Fram hefði svo sannarlega getað gengið frá leiknum miðað við öll þau færi sem þeir fengu. Þróttarar börðust alveg til enda og fengu aukaspyrnu undir lokin sem Hewson skoraði úr. Það er auðvitað atvik leiksins. Jón Sveinsson, þjálfari Fram, var ekki viss um að um aukaspyrnu hefði verið að ræða en undirritaður sá ekki atvikið nægilega vel og getur því ekki tjáð sig um það.

Fram er með gott forskot á toppnum og munu líklega enda sem meistarar að lokum. Ná þeir að fara taplausir í gegnum tímabilið? Það held ég. Þróttur er sjö stigum frá öruggu sæti. Það verður erfitt fyrir þá að halda sér uppi, mjög erfitt. Sam Hewson sagði í viðtali eftir leik að hann hefur enn trú á verkefninu. Hann vill að liðið hætti að gefa ódýr mörk og þá sé allt hægt. Þróttur verður að fara að vinna fótboltaleiki ef þeir ætla sér að vera í Lengjudeildinni að ári. Það er aðalmálið.

Þetta var aðallega vondur dagur fyrir Þróttara á öðrum velli. Því á Selfossi unnu heimamenn 3-0 sigur á Aftureldingu. Ef Afturelding hefði unnið, þá væri Þróttur fjórum stigum frá öruggu sæti en ekki sjö. Kairo Edwards-John átti þá ekki sinn besta dag í liði Þróttar og færanýting Fram hefur oft verið betri.

Ekki erfiður dagur á skrifstofunni hjá Vilhjálmi en hann og hans teymi komu sér vel frá verkefninu.