Gestirnir byrjuðu leikinn betur og voru með yfirhöndina í fyrri hálfleiknum. Þær komast yfir á 24. mínútu leiksins og korteri seinna fékk Fylkir vítaspyrnu sem þeim tókst ekki að nýta. Það var mun öflugra Fylkislið sem kom til leiks í seinni hálfleik og jöfnuðu þær leikinn á 51. mínútu. Eftir það var þetta stál í stál og liðin skiptust á að sækja og hefði sigurinn getað dottið hvoru megin sem er.

Vítaspyrnan sem Fylkir náði ekki að nýta. Þórhildur Þórhalls tók spyrnuna og var hún afskaplega slöpp. Dýrkeypt fyrir Fylkisliðið sem þurfti á þrem stigum að halda í kvöld.

Fylkir situr áfram í fallsæti og er með 13 stig, 3 stigum frá öruggu sæti en Keflavík er með 16 stig eftir úrslit kvöldsins. Tindastóll eru neðstar með 11 stig. Þróttur heldur 3. sætinu en er með jafn mörg stig og Selfoss sem er í 4. sæti. Tvær umferðir eru eftir í mótinu, Fylkir á eftir að spila við Þór/KA og ÍBV en Þróttur á eftir ÍBV og Breiðablik.

Íris Una Þórðardóttir fyrir að láta reka sig útaf í uppbótartíma fyrir að sparka boltanum í burtu á gulu spjaldi. Algjör óþarfi hjá henni og þetta þýðir að hún verður ekki með liðinu í næsta leik.

Vel dæmdur leikur hjá Ásmundi og félögum.