Breki Ómarsson var mjög líflegur í leiknum í dag. Daði sá vel við honum nokkrum sinnum í fyrri hálfleik en honum tókst loksins að brjóta ísinn eftir klukkutíma leik.

Verðum bara að setja það á mark leiksins. Enn og aftur, Breki frábær í dag og átti þetta mark skilið. Þór átti góðan kafla rétt áður en Breki skoraði. Mörk breyta leikjum sagði einhver.

Gríðarlega sterk úrslit fyrir ÍBV í baráttunni um að komast upp í Pepsi Max deildina. Mjög góður sigur í fyrsta leik eftir 10 daga sóttkví. Eyjamenn með fjögurra stiga forskot á Kórdrengi sem eru í 3. sæti og ÍBV á leik til góða. Þór er í 10. sæti 9 stigum á undan Þrótti og 9 stig í pottinum en Þór með mun betri markatölu. Enn fræðilegur möguleiki á að falla.

Það gengur hvorki né rekur hjá Þórsliðinu að skora þessa dagana, eða vikurnar. Sjötti leikurinn í röð sem þeir skora ekki!

Flottur leikur hjá Helga Mikael. Ekkert um vafaatriði og hann hafði bara góða stjórn á þessu.