Úrslitin réðust í seinni hálfleiknum. Fyrri hálfleikurinn var heldur rólegri og spennustigið hátt, eðlilega. FH voru í við meira með boltann og voru kannski aðeins líklegri til að skora. Það leit á tímabili út fyrir að Afturelding ætlaði bara að verja jafnteflið, en eftir að þær náðu inn fyrsta markinu þá þurftu FH að taka sénsa. Við það galopnaðist allt fyrir Aftureldingu sem gengu á lagið, gerðu út um leikinn og tryggðu sér sæti í Pepsi-Max deildinni. Stuðningurinn sem Afturelding fékk í kvöld hjálpaði alveg pottþétt til.

Verð að segja lokaflautið! Fagnaðarlætin þegar dómarinn flautaði leikinn af og flugeldasýning hófst í kjölfarið! Ógleymanleg stund í Mosó, til hamingju Afturelding!

Afturelding spilar í Pepsi-Max deildinni 2022, endar í 2. sæti í deildinni. FH situr eftir með sárt ennið og leikur aftur í Lengjudeildinni að ári.

Ekki góður dagur FH liðið sem ætlaði sér upp í Pepsi-Max deildina. Svekkjandi endir á góðu tímabili hjá þeim, en úrslitin úr síðustu 3 leikjum gerði út um þeirra plön.

Flott frammistaða hjá Einari Inga. Fór lítið fyrir honum sem er alltaf gott. Lét leikinn fljóta.